[l502]
DE LA VILLE DE PARIS.
73
la Chartre, aura quatorze pieds et demy de hault depuis lesd, hautes eaues jusques à la clef de la voulte d'icelle arche.
"Item, et pour ce que led. pont branlera quant il y passera aucuns chariotz chargez d'artillerye, pierres, boys et autres harnois qui passeront conti­nuellement par iceluy pont, nous disons que lesd, arches seront liées avec une grant arche, laquelle comprandra depuis l'un des boutz dud. pont jusques à l'autre bout d'iceluy; et seront icelles arches fer­mées ensemble en clef.
« Et si disons que à fere ce que dit est par la forme et maniere dessusd., se sera l'enmelioracyon et fortif-ficacion d'iceluy pont. Et qui vouldra dresser le che­min pour venir à la pente de devant la Magdelaine(1), et pareillement de l'autre bout dud. pont, il fauldra charger les rains dud. pont de maçonnerie de li-bages jusques.à haulteur competante; et par ainsi seront lesd, chemins ainsi qu'on les demande.
«Item, nous disons que les douze bendes des voulsures des arches dud. pont, tant du costé d'amont que d'aval l'eaue, se feront de pierre de liaiz, les­quelles auront cinq piedz de long en teste et moiltié d'icelles près de trois piedz de lé, et l'autre moiltié de deux piedz de lé ou environ, entre deux une; et les douze autres bendes par voye d'icelles arches se­ront de pierre de blanc caillou de Nostre Dame des Champs et du franc d'Ivry et du franc dur; et tout le résidu desdictes voulsures d'icelles arches sera fait de bon vergelé de Saint Leu ou d'autre bonne pierre dudit lieu ou d'ailleurs.
"Et tout ce vous certiffions estre vray, et avoir esté par nous loyaument fait à noz povoirs; et le tesmoin-gnons par nos seaulx et seingtz manuelz cy mis, l'an et jour dessusdit. n
Ainsi signé : Jehan de Felin, Jehan Morreau, Gil­let Grain, Philippot de Franciiieres.
Et scellé de leurs sceaulx (-).
CXXXVI. ---- INSTITUCION DU MAISTRE PRINCIPAL DES OUVRAIGES DE CHARPENTERIE
POUR L'EDIFFICE DU PONT NOSTRE DAME ®.
29 novembre i5oa. (Fol. io3 r°.)
Le xxixc jour de Novembre l'an mil cinq cens et deux, information deuement faicte des sens, souiïi-sance, loyaulté, preudommie et bonne diligence de la personne de François Manget, charpentier de­mourant à Paris, iceluy pour ces causes et autres à ce nous mouvans, avons commis et estably, el par ces presentes commettons et establissons maistre et prin­cipal superintendent de l'ouvrage de charpenterie qu'il convient doresennavant faire pour l'ediffice du pont Nostre Dame, ainsi et par la forme et maniere que par cy et par nos predecesseurs y a esté com­mis feu Gaullier Hubert, aux gaiges et saleres de soixante livres parisis par an, telz et semblables que dès l'onziesme jour de Fevrier l'an mil v°(4) furent par nozdilz predecesseurs ordonnez et tauxez pour l'exercice de lad. commission audit feu Hubert,
par l'advis et conseil de messc Guillaume de Poi­tiers, chevalier, lieutenant du Roy nostred. s° et gouverneur de lad. Ville, monsr m' Jehan de Gan­nay, conseiller dud. sr et president en sa Court de Parlement, et autres. Auquel François Manget avons fait fere, le serment de bien et deuement se employer au fait et deppendence de sad. comis­sion.
Si donnons en mandement par ces presentes à tous à qui il appartient, requérons tous autres que d'icelle commission ilz facent, souffrent et laissent joyr et user iceluy François Manget pleinement et paisiblement, et à luy entendent et oheyssent dili-genment, sans luy faire ou donner, ne souffrir estre fait, mis ou donné aucun destourbier ou empesche­ment au contraire ®.
C L'église Sainte-Magdeleine en la Cité, au coin de la rue des Marmousets, avait d'abord servi de synagogue aux Juifs établis dans une rue voisine, dite de la Juiverie, dont le nom revient fréquemment dans les documents relatifs aux travaux des abords du pont Notre-Dame.
<2' Lé reste de la page en blanc au Registre. Puis suit, au fol. 100, notre art. CXXXVII.
(3' Autre rubrique en marge : Institucion du m" des euvres de chm'penterie de lad. Ville. Au Registre, cette pièce vient après notre art. CXXXVII! ci-dessous, en date du 4 décembre*, et précède notre art. CXL.
<*' C'est-à-dire i5oi; voy. ci-dessus l'art. C1V, à cette date.
!5' Le rcsie de la page est demeuré en blanc. Puis vient au folio io3 v° notre art. CXL ci-dessous, en date du 21 janvier i5o3.